Deputeti i AAK-së, Pal Lekaj ka kujtuar 25-vjetorin e rënies heroike të Luan Haradinajt, duke thënë se këto 25 vite janë me plot mall e krenari për të, përcjell InLajmi.
Ai theksoi se betejat e ashpra dhe të pabarabarta na shkaktuan dhimbje të thella, ku edhe ranë heroikisht shumë trima të Kosovës, për të mos vdekur kurrë.
Lekaj thotë se Haradinaj u bë simbol frymëzimi për ushtarët në fushën e betejave, por edhe sot është frymëzim për rininë e Kosovës.
Deputeti tha se Luanin do ta kujtojmë përjetësisht.
Postimi i plotë i tij:
Plagët e luftës në Kosovë ende janë të freskëta.
Betejat e ashpra dhe të pabarabarta me agresorin serb na shkaktuan dhimbje të thella. Në ato beteja ranë heroikisht për të mos vdekur kurrë, shumë trima të Kosovës.
Sot, bëhen 25 vjet nga rënia heroike e Heroit të Kosovës, Luan Haradinaj.
25 vite mall e krenari, 25 vite pikëllim e përkujtim.
Luan, ti je mes nesh ngase ti u bëre simbol frymëzimi për ushtarët në fushën e betejave dhe sot, për rininë e Kosovës në rrugën drejtë përkushtimit për ta bërë atdheun tënd ashtu siç ti e deshte.
Do të kujtojmë përjetësisht!
Lavdi dëshmorëve të Kombit!
Lavdi jetës dhe veprës së Luan Haradinajt! /InLajmi/
