Ish-sekretarja amerikane e Shtetit, Madeleine Albright, ndërroi jetë më 23 mars në moshën 84 vjeçare vdekje e saj tronditi popullin shqiptar, pasi angazhimi i saj në Kosovë ishte tejet i madhe, përcjell InLajmi.
Albright sot i jepet lamtumira e fundit gjë për të cilën edhe krerët institucional të Kosovës presidentja, Vjosa Osmani dhe kryeministri Albin Kurti, u nisën dje për në Amerikë.
Këtë më së miri i konfirmoi ish-deputeti nga Lidhja Demokratike e Kosovës, Faton Bislimi, i cili bëri të ditur që edhe ai po merr pjesë në këtë ceremoni bashkë me Osmanin dhe Kurtin.
Pra nuk ishin të vetmit Osmani dhe Kurti të cilët ateruan në Amerikë, edhe pse jo në detyrë Bislimi Bislimi gjendet atje.
Postimi i plotë i tij:
Sot po i jepet lamtumira e fundit mikes së madhe të Kosovës, zonjës që bëri historinë si femra e parë në krye të diplomacisë amerikane, Sekretarës së Shtetit Albright! Jam jashtëzakonisht i nderuar që pas pak ore do jem i pranishëm në Katedralen Nacionale të Ëashingtonit në ceremoninë mortore për znj. Albright.
Anipse tani nuk mbaj ndonjë pozitë shtetërore, por kam mbi 2 dekada angazhim të sinqertë, punë me nderë, dhe përkushtim vetmohues me miqët tanë në Washington, DC përmes dhe falë Ligës Qytetare Shqiptaro-Amerikane të udhëhequr nga Kongresisti Joe DioGuardi e znj. Shirley Cloyes DioGuardi (të cilëve kurrë s’mund t’iu dalim hakesh)!
Prandaj, të jem sot në këtë ngjarje ku eulogjinë kryesore do e mbajë Presidenti Biden, bashkë me ish-Presidentin Clinton e ish-Sekretaren e Shtetit Hilary Clinton, në praninë edhe të ish-Presidentit Obama, znj. Michelle Obama, Sekretarit të Shtetit Blinken, ish-Skretares së Shtetit Rice e shumë personaliteteve të tjera amerikane, për mua është më shumë se nder — është besatim për punë edhe më shumë për vendin tonë e kombin tonë.
Miqësia jonë unike me Amerikën e ndërtuar me shumë mund, sakrificë e kontribut të paçmueshëm të mërgatës sonë kudo e veçanërisht kësaj në SHBA, nën lidershipin e Ligës Qytetare, mbetet edhe sot e kësaj dite udha e vetme e sigurtë për të ardhmen tonë si komb, dhe fuqizimin e Kosovës si Republikë e re!
Zoti e bekoftë Kosovën dhe kombin shqiptar!
Zoti i bekoftë SHBA-të dhe miqët tanë kudo! /InLajmi/
