Të Dielen në Kosovë pritet të mbajë mot me diell dhe i nxehtë veror. Temperaturat do të shënojnë rritje dhe ato maksimale pritet të luhaten nga 28 deri në 31 gradë Celsius. Mëngjesi dhe mbrëmja pritet të jenë paksa të freskëta.
Në Shqipëri, Maqedoninë Veriore, Luginë të Preshevës dhe Mal të Zi të nesër pritet të mbajë mot stabil, me diell dhe i nxehtë veror. Temperatura të larta priten sidomos në zonat mesdhetare deri në 35 gradë Celsius.
Të Hënën na pret mot i nxehtë dhe me diell. Temperaturat mund të shënojnë rritje të mëtutjeshme, por pa ndonjë nxehtësi ekstreme. Pasdite vonë mund të ketë disa zhvillime të izoluara në veri të Malit të Zi, shkruan Meteo Ballkan.
Të Martën nxehtë dhe me diel. Pasdite priten zhvillime të izoluara me rrebeshe të izoluara shiu me vetëtima dhe bubullimë, por reshjet do të jenë të koncentruara vetëm në disa zona të izoluara kryesisht kodrinore-malore, prandaj ende nuk priten reshje më të përhapura.
