Ka pasur një natë të 3-të trazirash në Suedi, pas protestave kundër një grupi të ekstremit të djathtë që dogji një kopje të Kuranit dhe planifikoi ta bënte këtë përsëri, transmeton InLajmi.
Dhuna shpërtheu në qytetin e Malmö të shtunën vonë pas një mbledhjeje të lëvizjes Stram Kurs, ose Hard Line, e udhëhequr nga ekstremisti Rasmus Paludan.
Automjetet u dogjën dhe disa protestues hodhën gurë drejt policisë.
Një sërë përplasjesh të tjera midis policisë dhe kundër-demonstruesve kanë goditur Suedinë ditët e fundit.
Të paktën 16 oficerë policie raportohet se janë plagosur dhe disa automjete policie janë shkatërruar në trazirat që pasuan mitingjet e grupit të ekstremit të djathtë, duke përfshirë në periferi të Stokholmit dhe në qytetet Linköping dhe Norrköping, shkruan BBC.
Zemërimi ndaj veprimeve të grupit të ekstremit të djathtë, që përfshinte djegien e një kopje të librit të shenjtë mysliman të enjten, dhe planifikimin për ta bërë këtë përsëri në mitingje të tjera është përhapur gjithashtu përtej kufijve të Suedisë. /InLajmi/
