Asambleja e Përgjithshme e Kombeve të Bashkuara ka votuar për të pezulluar Rusinë nga Këshilli i të Drejtave të Njeriut gjatë një takimi të enjten, transmeton InLajmi.
Rezultati i votimit ishte: pro 93; kundër 24; abstenim 58.
Në një draft të rezolutës, OKB-ja tha se Asambleja e Përgjithshme do të pezullojë Rusinë, duke qenë se ajo kryen shkelje të rënda dhe sistematike të të drejtave të njeriut.
Asambleja e Përgjithshme duhej të votonte pro me 2/3 për të hequr Rusinë nga këshilli.
Para votimit, ambasadori i Kinës në OKB, Zhang Jun tha se vendi do të votonte kundër masës, shkruan CNN.
“Kina u bën thirrje të gjitha palëve që të punojnë së bashku në të njëjtin drejtim për të krijuar mundësi për paqe dhe perspektiva për negociata. Kina do të vazhdojë të mbajë një kundërshtim dhe qëndrim të paanshëm dhe të luajë një rol të përgjegjshëm dhe konstruktiv në këtë drejtim”, shtoi Zhang. /InLajmi/
