Papa Françesku bëri prapë thirrje për paqe në Ukrainë, transmeton InLajmi.
Ai tha se tani është koha për të shfuqizuar luftën përpara se ajo të fshijë njerëzimin nga historia.
“Ka kaluar më shumë se një muaj nga pushtimi i Ukrainës, që nga fillimi i kësaj lufte mizore dhe të pakuptimtë, e cila, si çdo luftë, është një humbje për të gjithë, për të gjithë ne,” tha ai të dielën gjatë fjalimit të tij.
“Lufta nuk shkatërron vetëm të tashmen, por edhe të ardhmen e shoqërisë. ”, ka thënë më tej ai.
Papa përsëriti apelin e tij për t’i dhënë fund konfliktit në Ukrainë.
“Përballë rrezikut të vetëshkatërrimit, njerëzimi duhet të kuptojë se ka ardhur koha për të shfuqizuar luftën. Ta fshijë atë nga historia njerëzore para se të fshijë njeriun nga historia,” tha ai, shkruan CNN.
“Mjaft. Ndaloni. Largoni armët. Negocioni seriozisht për paqen,” tha ai. “Lufta nuk mund të jetë diçka që është e pashmangshme. Ne nuk mund të mësohemi me luftën.” /InLajmi/
