Ministri i Ministrisë së Punëve të Brendshme, Xhelal Sveçla së fundmi ka deklaruar se qysh nga fillimi i marrjes së mandatit është zotuar se brenda kapaciteteve që janë do tu krijohen kushte zyrtarëve policorë kudo që angazhohen ata, përcjell InLajmi.
Ndërsa, sot është raportuar se në Bërnjak po ngritet një bazë për zyrtarët policorë, duke shkaktuar panik tek qytetarët, Sveçla ka deklaruar se krejt kjo po bëhet për kryerjen sa më efikase të punës.
Ndryshe, sot në këtë pikë, janë dërguar kontenjerë dhe pajisje logjistike.
Postimi i plotë i tij:
Që nga marrja e mandatit dhe në vazhdimësi, si Ministër i Brendshëm bashkë me Policinë e Kosovës jemi angazhuar që brenda kapaciteteve tona të krijojmë hapësira dhe kushte të përshtatshme për punë dhe ngritje të kapaciteteve për gjithë zyrtarët policor kudo që angazhohen ata.
Në kuadër të kësaj, për shkak të kushteve jo të mira, Policia e Kosovës sot ka dërguar kontenjerë dhe pajisje logjistike të cilat do tu shërbejnë zyrtarëve policor në pikën kufitare në Bërnjak, për kryerjen sa më efikase të detyrave të tyre.
Angazhimi ynë i përbashkët dhe i përditshëm ka për qëllim rritjen e efikasitetit dhe garantimin e sigurisë për të gjithë qytetarët e Republikës së Kosovës pa dallim./InLajmi/
