Kryetari i Prizrenit, Shaqir Totaj ka bërë të ditur se është takuar me ambasadorin e Shqipërisë, Qemal Minxhozin, me të cilin biseduan për bashkëpunimin mes Ambasadës dhe Prizrenit, përcjell InLajmi.
Totaj ka thënë se temë diskutimi ishte edhe inicimi i bashkëpunimit të Komunës së Prizrenit me Komunat e Shqipërisë.
Tutje ai tha se gjografia e Prizrenit lidhet ngusht me Shqipërinë, ndërkaq bahskëpunimi në fushën e turizmin,kulturës dhe zhvillimit ekonomik mundëson zhvillimin e përbashkët të Prizrenit me vendet e Shqipërisë.
Postimi i plotë i tij:
Kënaqësi e veçantë të prisja në takim, Shkëlqësinë e tij, Ambasadorin e Shqipërisë, Z. Qemal Minxhozi. Marrëdhëniet me Shqipërinë janë të vecantë. Thellimi i marrëdhënieve vëllazërore që kemi me Shqipërinë dhe bashkëpunimi me ta, mbetet prioritet i yni.
Biseda me Shkëlqësinë e tij, Ambasadorin, Z. Minxhozi ishte shumë e këndshme dhe e frytshme. Të 2-ja palët u zotuam për bashkëpunim mes Ambasadës dhe Prizrenit, njëkohësisht për inicimin e bashkëpunimeve ndërkomunale me Komunat e Shqipërisë.
Poashtu biseduam për rritjen e bashkëpunimeve në sektorin e turizmit, kulturës dhe zhvillimit ekonomik. Prizreni gjeografikisht lidhet ngusht me Shqipërinë, prandaj bashkëpunimi në sektorët e lartëcekur është i domosdoshëm dhe mundëson shkëmbime të vazhdueshme mes Prizrenit dhe komunave të Shqipërisë, duke mundësuar zhvillimin tonë të përbashkët./InLajmi/
