Trajneri i Barcelonës, Xavi ka zbuluar arsyen pse skuadra e tij nuk është favorite për ta fituar trofeun e Ligës së Evropës, teksa ka folur për përballjen ndaj Napolit.
Ndeshja e parë mes Barcelonës dhe Napolit do të zhvillohet këtë të enjte në Camp Nou me fillim nga ora 18:45.
“Kritika është normale në një ekip si Barcelona, ata më ndihmuan të përmirësohem si futbollist.Ne nuk kemi një formacion fiks. Çdo lojtar është i dobishëm, të gjithë kanë luajtur vazhdimisht – pothuajse të gjithë. Eric dhe Busquets janë 2 lojtarë vendimtarë, por të premten mund të jetë një ditë e mirë për të pushuar Busquets, ose ndoshta të dielën. Është e qartë se ai nuk mund të luajë çdo ndeshje”, ka thënë fillimisht Xavi në konferencën për shtyp.
Xavi ka thënë se do të bëjnë ndryshime, por do të përpiqen që të jenë skuadër konkurruese duke theksuar se kanë shumë opsione në sulm dhe është shumë mirë për të personalisht si trajner, transmeton Telegrafi.
“Napoli është në një nivel të Ligës së Kampionëve, kjo ndeshje mund të luhej në Ligë të Kampionëve, ata janë një ekip i shkëlqyer. Ata janë pa lojtarë të rëndësishëm si Matteo Politano dhe Hirving Lozano, i cili është një futbollist i madh.Nuk do të thosha se ne jemi favorit. Ne do të përballemi me një kundërshtar të vështirë dhe Sevilla ka shumë më tepër përvojë se ne në këtë garë. Jemi në mesin e kandidatëve, por jo favoritët”, përfundoi trajneri i Barcelonës.
