Kur paga minimale të bëhet 18.000 denarë, të gjitha pagat tjera duhet të harmonizohen, paga minimale nuk duhet të jetë më afër atyre të klasifikuara, thotë kryetari i Lidhjes së Sindikatave të Maqedonisë, Darko Dimovski në “Studio 10”.
“Aty ku kemi sindikatë, sipas nenit 8, ka pasur rritje graduale për të gjitha pagat e tjera. I bëjmë thirrje punëdhënësve që nëse nuk përdorin nenin 8, kryejnë vepër penale. Punëdhënësit kërkuan që paga minimale të jetë 16.200 denarë, subvencionimi i qeverisë për punëdhënësit do të jetë 10 muaj ose një vit”.
“Për ne ishte e rëndësishme të arrinim atë që kërkonim, për shkak të krizës ekonomike dhe shëndetësore. Punëtorët nuk mund të marrin vetëm 18.000, nëse janë të regjistruar shtesat e tjera. E dimë dje dhe muajt e kaluar si kemi luftuar, ka qenë e rëndësishme për ne që të marrim rritjen e pagës minimale dhe gradualisht të rriten të gjitha pagat, sot po përgatiten letrat drejtuar institucioneve ku do të shkruhet kjo që po them”,thotë Dimovski.
I pyetur nëse qytetarët do ta ndjejnë përfitimin e rritjes së pagës minimale, Dimovski tha se propozimi i tyre për rritjen e pagës në 18.000 është bazuar në shportën e konsumit të Entit të Statistikave, transmeton Telegrafi
“Sipas analizave tona kemi vlerësuar që paga minimale të jetë 18.000 dhe nëse në një familje janë 2 të punësuar me të ardhura minimale të mund ta kalojnë muajin”,thotë Dimovski.
