Pas 2 javës pengesë, Kosova ka vendosur që këtë të shtunë të lehtësojë masat kufizuese për hyrjen në territorin e saj.
Këtë të shtunë në pikën Kufitare Morinë ku prej 2 javësh kërkohej që për hyrjen në Kosovë të kishte tre doza të vaksinës anti-Covid sot qytetarët shqiptarë janë lejuar të futen me vetëm 2 doza.
“3 doza vaksine ishte masë e tepruar”, ka thënë një qytetar.
Thuhet se heqja e dozës së 3-të ka sjellë rritje të fluksit të lëvizjes së qytetarëve , shkruan ABC News.
“Ngaqë ka pas kushtin me tre vaksina nuk kam mundur që të shkoj në Kosovë, pasi unë jam vetëm me 2 doza. Për banorët e Kukësit është mirë që të kemi lehtësim, pasi shumë nga ne kanë dhe punë”, ka thënë një tjetër.
