Klubi italian, Juventusi ka etiketuar mesfushorin e Manchester Unitedit, Jesse Lingard, si një objektiv transferimi për afatin e ardhshëm kalimtar.
Zonja e Vjetër po mendon të peshkoj në Ligën Premier apo më saktë te klubi nga Old Trafford.
Megjithatë, drejtuesit e klubit bardhezi kësaj radhe nuk e kanë në radar ish-lojtarin e tyre francez, Paul Pogba, por një bashkëlojtar të tij.
Sipas mediumit Calciomercato, Juventusi e ka identifikuar mesfushorin Lingard si një objektiv transferimi në verë si lojtar i lirë.
29-vjeçari mund të jetë një opsion për trajnerin Massimiliano Allegri këtë verë pasi trajneri italian kërkon të forcojë radhët e tij në mes të fushës.
Juve po monitoron Lingardin ndërsa ai i afrohet muajve të fundit të kontratës së tij me Unitedin, të cilët nuk kanë treguar ende asnjë shenjë për t’i ofruar atij një zgjatje kontrate, transmeton Telegrafi
Mesfushori anglez ka qenë i kërkuar në afatin kalimtar edhe nga klubet e Ligës Premier si Newcastle United dhe West Ham, por pa arritur të materializoj një transferim.
