25 vite më parë, Zahir Pajaziti së bashku me 2 shokët e tij, Hakif Zejnullahu dhe Edmond Hoxha dhanë jetën për lirinë e Kosovës, përcjell InLajmi.
Uran Ismaili nga Partia Demokratike e Kosovës, së bashku me bashkëpunëtorë nga partia e tij kanë bërë homazhe tek shtatorja e Zahir Pajazitit në Prishtinë, ndërsa theksoi se rruga e çlirimit të Kosovës është përplot me vepra e sakrifica heronjsh.
Ndërkohë, theksoi faktin se këta 3 heronj ishin ndër të parët që dhanë jetën për këtë ideal.
Ndryshe, 3 heronjët ranë në pritë më 31 janar 1997 teksa ishin duke udhëtuar nga Prishtina në drejtim të Vushtrrisë, ku destinacioni i fundit për jetë e tyre do të ishte Pestova.
Postimi i plotë i tij:
Rruga e çlirimit të Kosovës është përplot me vepra e sakrifica heronjsh. Ndër të parët, që 25 vjet më parë dhanë jetën për këtë ideal, janë edhe Zahir Pajaziti, Hakif Zejnullahu e Edmond Hoxha. Lavdi, sot e përjetësisht, trimave të Kosovës!/InLajmi/
