Pandemia po vazhdon të ushqejë pasiguri dhe inflacion në vitin e 3-të, duke dëmtuar rimëkëmbjen globale dhe duke i shtyrë humbjet totale ekonomike deri në 14 trilion dollarë, transmeton InLajmi.
Këtë shifër e bëri të ditur Fondi Monetar Ndërkombëtar, i cili të martën uli parashikimin e tij të rritjes globale për vitin 2022 me gjysmë pikë përqindje në 4.4%.
Fondi tha se 2 ekonomitë më të mëdha në botë, Shtetet e Bashkuara dhe Kina, do të rriteshin më ngadalë se sa ishte parashikuar në tetor sa i përket ekonomisë.
FMN parasheh që prodhimi ekonomik i Amerikës të rritet me 4% këtë vit, pasi u rrit me 5.6% në vitin 2021.
Në Kinë, rritja ekonomike për vitin 2022 është marrë si shifër prej 4.8%, e cila është 0.8%më e ulët se sa pritej më parë dhe një ngadalësim i dukshëm nga rritja prej 8.1% e arritur në vitin 2021.
FMN-ja ka bërë të ditur se pandemia mund t’i kushtojë botës rreth 14 trilionë dollarë humbje në prodhimin ekonomik deri në fund të 2024.
Ndërsa ekonomitë e përparuara pritet të rikthehen në trajektoret e tyre para pandemisë këtë vit.
“2 vitet e fundit riafirmojnë se kjo krizë dhe rimëkëmbja e vazhdueshme nuk është si asnjë tjetër,” tha Gita Gopinath, zëvendësdrejtoresha e parë menaxhuese e FMN-së, në një postim në blog.
“Politikbërësit duhet të monitorojnë me vigjilencë një pjesë të gjerë të të dhënave ekonomike në hyrje, të përgatiten për situata të paparashikuara dhe të jenë të gatshëm të komunikojnë dhe të ekzekutojnë ndryshimet e politikave me një njoftim të shkurtër.” tha ajo.
Rritja e çmimeve paraqet një sfidë të madhe. FMN rishikoi vlerësimet e saj për inflacionin global, duke parashikuar se “ngritja e çmimeve pritet të vazhdojë edhe më gjatë”.
Ajo tani parasheh rritje të çmimeve të konsumit me 3.9% në ekonomitë e përparuara këtë vit dhe 5.9% në tregjet në zhvillim, ndërsa rritje më të lartase sa u regjistruan në vitin 2021, kur çmimet e konsumit u rritën përkatësisht 3.1% dhe 5.7%, shkruan CNN.
Fondi gjithashtu përmendi “tensionet në rritje gjeopolitike dhe trazirat sociale” si rreziqe për perspektivën. Vendet perëndimore janë aktualishnëtë përqendrur për ndalimin e një përplasjeje të madhe mes Rusisë dhe Ukrainës. /InLajmi/
