Për shkak të rritjes së numrit të rasteve me koronavirus, disa shkolla të Kosovës kanë kaluar në mësim online, shkruan InLajmi.
Iliriana Pylla, zëdhënëse në Ministrinë e Arsimit, Shkencës, Teknologjisë dhe Inovacionit për Gazetën InLajmi ka njoftuar se sipas të dhënave që i kanë 27 shkolla po e vijojnë mësimin online.
“27 shkolla po vijojnë mësimin online. Tashmë dihet se vendimet për të kaluar në mësim online e marrin task-forcat e shkollave, varësisht nga gjendja që paraqitet”,tha Pylla për InLajmin.
Më tej Pylla tha se bazuar në masat e fundit që ka marrë Qeveria e Republikës së Kosovës të cilat janë marrë ditë më parë, nuk është paraparë mbyllja e shkollave edhe për këtë javë./InLajmi/
