Numri i rasteve në vend këto ditë është rritur me shpejtësi të madhe, përcjell InLajmi.
E me rritjen e rasteve, Qeveria e Kosovës ka aplikuar masa të reja të cilat kanë hyrë në fuqi që nga dite e sotme.
Për shkak të këtyre masave, edhe ndërmarrja publike “Trafiku Urban” ka lajmëruar se do të ndryshojë orarin e qarkullimit, ndërsa ka theksuar faktin se të gjithë ata që udhëtojnë me autobusë të kësaj ndërmarrje duhet të respektojnë masat.
E këto masa të cilat kanë hyrë në fuqi nga sot do të zgjasin deri më 4 shkurt.
Më tej “Trafiku Urban” ka njoftuar se do të kufizohet qarkullimi i qytetarëve nga ora 22:00 deri në ora 05:00 dhe nisja e fundit do të realizohet në ora 21:30.
Operatorët e transportit rrugor të udhëtareve lejohen të punojnë duke shfrytëzuar 50% të kapacitetit të ulëseve.
Njoftim i ndërmarrjes publike “Trafiku Urban”:
Njoftim për reduktimin e orarit të qarkullimit të autobusëve!
Në bazë të vendimit të fundit të Qeverisë të datës 21.01.2022 lidhur me masat e përgjithshme dhe të veçanta për kontrollin, parandalimin dhe luftimin e pandemisë COVID-19 ju njoftojmë se se nga data 22 janar 2022 deri më 4 shkurt 2022, kufizohet qarkullimi i qytetarëve nga ora 22:00 deri në ora 05:00 dhe nisja e fundit do të realizohet në ora 21:30.
Kërkojmë mirëkuptimin e juaj sepse jemi të obliguar ti zbatojmë këto masa të cilat kërkojmē ti zbatoni edhe ju sipas pikës së vendimit:
Transporti publik dhe ndërkombëtar
Ndalohet hyrja në mjetet e transportit publik dhe ndërkombëtar pa maskë.
Operatorët e transportit rrugor të udhëtareve lejohen të punojnë duke shfrytëzuar 50% të kapacitetit të ulëseve.
Stafi dhe pasagjerët e transportit publik duhet të posedojnë ndonjërën nga dëshmitë e cekura ne pikat: 26.1 & 26.2.
26.1 Certifikatën e vaksinimit me së paku 2 doza ose një dozë të vaksinës Janssen kundër COVID-19;
26.2 Personat me dëshmi mjekësore nga mjeku specialist i fushës përkatëse se kanë kundërindikacione dhe janë të liruar nga vaksinimi, duhet të paraqesin testin RT-PCR për COVID-19, jo më të vjetër se 48 orë;
Vendose maskën për ta mbrojtur vetën dhe të tjerët!
Për më shumë sqarime, kontaktoni Qendrën e Thirrjeve përmes telefonave në dispozicion apo aplikacionit Viber: 045 10 11 22; 045 10 11 23; 045 10 11 28./InLajmi/
