Microsoft do të blejë prodhuesin e lojërave Activision Blizzard për 68.7 miliardë dollarë.
Kjo është ujdia më e shtrenjtë në këtë sektor. Kompania prodhuese e Xbox do të bëhet e 3-ta më fitimprurëse në industrinë e lojërave falë investimit të Microsoft.
“Lojërat janë kategoria më dinamike dhe më emocionuese në argëtim në të gjitha platformat e sotme dhe do të luajnë një rol të rëndësishëm në platformat e Metaversit,” – u shpreh drejtori ekzekutiv i Microsoft, Bill Gates.
Kompania ka kryer investime të mëdha në fushën e lojërave, duke blerë edhe prodhuesin e “Minecraft”, “Mojang Studios” dhe “Zenimax”, në marrëveshje disa miliarda dollarëshe, përcjell Euronews.al.
Ndërkohë, gama e Activision përfshin lojërat e famshme “Call of Duty” dhe “Overwatch”, gjë që mendohet se do t’i japë platformës Xbox avantazhin kundrejt Playstation, që për vite me radhë ka ofruar një seri lojërash ekskluzive.
