Policia e Kosovës, ka reaguar pasi që mbrëmë në shumë media është raportuar për sulm ndaj M.K në fshatin Runik të Skenderajt, përcjell InLajmi.
Rasti i mbrëmshëm është iniciuar si sulm anti-serb e që sipas Policisë së Kosovës kjo është krejtësisht ndryshe, rasti është raportuar në polici por ka ndodhur për shkaqe të tjera.
Në njoftimin e policisë thuhet se shkaku në këtë rast ka qenë fjalosja mes 2 meshkujve njëri nga ta serb dhe tjetri kosovar, ngjarja thuhet se ka arritur deri këtu për faktin që viktimës M.K i është dëmtuar pylli nga B.S.
Njoftimi i plotë i Policisë së Kosovës:
SQARIM PËR MEDIA
Informim i opinionit lidhur me shkrimet e pavërteta të publikuara në disa portale të ndryshme
Prishtinë, më 17 janar 2022,
Policia e Kosovës me qëllim, informimin e drejt të opinionit publik lidhur me disa shkrime të publikuara sot me (17.01.2022) në disa portale të ndryshme, të cilat i referohen deklarimeve të Listës Serbe se është sulmuar personi M.K, në fshatin Runik të Skenderajt dhe sipas tyre ky sulm është anti -serb, reagon ndaj këtyre shkrimeve të pavërteta dhe sqaron me sa vijon:
Rasti është raportuar me datë 16.01.2022 në fshatin Runik të Skenderajt dhe nuk ka fare ndërlidhje me çështje ndëretnike apo siç është pretenduar si anti-serbe, por ka të bëjë me veprën e iniciuar “Sulm”, ku sipas viktimës M.K, mashkull kosovar serb, gjatë komunikimit me të dyshuarin mashkull kosovar B.S, kishte ardhur deri te fjalosja ndërmjet tyre si pretekst pasi viktima kishte dyshuar se i dyshuari në fjalë ia kishte dëmtuar (prerë) pyllin e tij në pronë private.
Vlen të potencohet se Policia e Kosovës pas raportimit të rastit, menjëherë ka ndërmarrë të gjitha veprimet e nevojshme operativo hetimore, duke arrestuar personin e dyshuar si dhe duke intervistuar një dëshmitar të rastit dhe pas kompletimit rasti është proceduar në procedurë të rregullt.
Prandaj konsiderojmë se opinioni publik duhet të informohet drejt dhe korrekt dhe në asnjë rast të vetëm nuk duhet dezinformuar si në rastin konkret, ku këtë e dëshmon edhe komunikata në vijim e publikuar me datë 16.01.2022 nga drejtoria rajonale kompetente.
Me respekt,
Zyra për Informim e PK-se
DPP Prishtinë
——
Zyra për Informim dhe Marrëdhënie me Publikun
Drejtoria Rajonale e Policisë Mitrovicë Datë: 16.01.2022
Komunikatë për media
Arrestohet një person i dyshuar për veprën penale “Sulm”
Skenderaj, 16 janar 2022
Në orët e mesditës së sotme të datës 16 janar 2022, në Stacionin Policor në Skenderaj, është raportuar dhe është iniciuar një rast me elemente të veprës penale ‘Sulm’.
Nga hetimet fillestare dhe deklarimi i viktimës m/k/ M. K., bëhet e ditur se deri sa viktima ndodhej në fshatin Runikë të Skenderajt, ishte takuar me të dyshuarin me të cilin njiheshin edhe më parë, ku gjatë komunikimit kishte ardhur deri te fjalosja ndërmjet tyre si pretekst pasi viktima dyshonte se i dyshuari ia kishte dëmtuar (prerë) pyllin pronë private.
Lidhur me rastin janë ndërmarrë veprime intensive hetimore është identifikuar dhe arrestuar i dyshuari m/k/B.S., si dhe është intervistuar një dëshmitar i rastit.
Për të gjitha veprimet e ndërmarra është të kontaktuar prokurori i rastit nga i cili është sugjeruar që rasti të iniciohet dhe të hetohet për veprën penale “Sulm’.
Pas intervistimit i dyshuari me urdhër të prokurorit është liruar në procedurë të rregullt.
Me respekt
Zyra për Informim e PK-së
DRP-Mitrovicë /InLajmi/
