Ambasadori i Serbisë në SHBA, Marko Gjuriq, ka reaguar në lidhje me moslejimin e mbajtjes së referendumit serb, ai e ka quajtur të pafalshme dhe tejet zhgënjyese faktin që autoritetet në Prishtinë ia mohuan qytetarëve serbë të drejtën për të votuar, përcjell InLajmi.
Sipas tij, kjo do të thote të biesh ndesh me kërkesat e partnerëve tanë amerikanë dhe evropianë, duke qenë se Prishtina vendosi të injorojë kërkesën e sekretarit Blinken, duke e quajtur si “sulm të paprecedentë ndaj demokracisë”.
Ai sugjeron se tani mbetet të shihet se a do të ketë pasoja për Kosovën, për këtë veprim kundër të drejtave thelbësore politike të serbëve në Kosovë.
Sipas tij, nevojiten këto veprime nëse duam të parandalojmë përkeqësimin e mëtejshëm të situates në muajt e ardhshëm.
Postimi i plotë i tij:
Mbi të gjitha, është jodemokratike dhe minon praktikën e mirë të kahershme që u mundësoi serbëve të ushtrojnë të drejtat e tyre të votës. Kjo gjithashtu bie ndesh me kërkesat e partnerëve tanë amerikanë dhe evropianë
Prishtina vendosi të injorojë kërkesën e sekretarit Blinken, dhe kjo është “sulm i paprecedentë ndaj demokracisë”.
Mbetet të shihet nëse do të ketë pasoja për këtë veprim malinj dhe të dhunshëm kundër të drejtave thelbësore politike të serbëve në Kosovë. Nevojitet veprim nëse duam të parandalojmë përkeqësimin e mëtejshëm të situatës në muajt e ardhshëm. /InLajmi/