Planeti më i nxehtë në sistemin tonë diellor është Venera, transmeton InLajmi.
Shumica e njerëzve mendojnë se duhet të ishte Mërkuri, pasi është planeti më i afërt me diellin. Sidoqoftë është Venera planeti i cili ka shumë gazra në atmosferën e saj, që krijon një “Efektin serë”, i cili shkakton një temperaturë konstante prej 462 °C në sipërfaqen e planetit.
Venera është planeti i 2-të nga Dielli dhe planeti më i afërt i Tokës. Është një nga 4 planetët e brendshëm shkëmborë dhe shpesh quhet binjaku i Tokës, sepse është i ngjashëm në madhësi dhe densitet, shkruan Solar System.
Një tjetër ndryshim i madh nga Toka është se Venera rrotullohet në boshtin e saj prapa, krahasuar me shumicën e planetëve të tjerë në sistemin diellor. Kjo do të thotë se, në planetin e Venerës, dielli lind në perëndim dhe perëndon në lindje, e kundërta me atë që përjetojmë në Tokë. (Nuk është i vetmi planet në sistemin tonë diellor me një rrotullim kaq të çuditshëm). Urani rrotullohet njësoj. /InLajmi/
