Kryetari i AKR-së, Behgjet Pacolli ka thënë se me dhimbje të madhe ka pranuar lajmin për vdekjen e nënës Ajshe, nënës së Kadri Veselit, përcjell InLajmi.
Pacolli ka shkruar se nëna Ajshe ka mbyllur sytë përgjithmonë duke ikur nga kjo botë, ku dhimbja e të afërmve të saj është e thellë.
Ai gjithashtu ka thënë se mungesa e djalit të saj, Kadri Veselit për t’i dhënë lamtumirën e fundit nanës, konfirmoi edhe njëherë të vërtetën e njohur se çmimi i lirisë është aq i lartë, sa ai duhet të paguhet shumë shtrenjtë edhe shumë vite pasi ajo të arrihet.
Tutje kreu i AKR-së ka shkruar se Zoti i dhashtë forcë familjes Veseli të përballojë dhimbjen.
Postimi i plotë i tij:
Me dhimbje të madhe mora lajmin për vdekjen e nënës Ajshe. Ajo mbylli sytë përgjithmonë duke ikur nga kjo botë, ku dhimbja e të afërmve të saj është e thellë. Mungesa e djalit të saj, z.Kadri Veseli, për t’i dhënë lamtumirën e fundit nanës, konfirmoi edhe njëherë të vërtetën e (gjithë) njohur se çmimi i lirisë është aq i lartë, sa ai duhet të paguhet shumë shtrenjtë edhe shumë vite pasi ajo të arrihet. Zoti i dhashtë forcë familjes Veseli të përballojë dhimbjen! /InLajmi/
