Aeroplanët reaktivë të kompanive ajrore transportojnë me miliona udhëtarë dhe fluturojnë lartë në qiell si aeroplan ushtarakë, shkruan InLajmi.
Ata vihen në lëvizje nga motorë shumë të fuqishëm që thithin ajër të ftohtë, e ndezin atë me karburant dhe nxjerrin me forcë gazra të nxehta nga mbrapa për të krijuar sasi të fuqishme shtytjeje.
Fluturuesit më të shpejtë
Aeroplanët me motorë reaktivë janë ndër aeroplanët më të shpejtë që ekzistojnë. Ata më të shpejtë reaktivë të udhëtarëve ishin aeroplanët Konkord dhe TU-144, ky i fundit arrinte një shpejtësi maksimale prej 2500 kilometra në orë.
Çifti i motorëve të aeroplanit reaktiv ushtarakë F-15 Eagle i jepnin atij një shpejtësi maksimale prej më humb se 2660 kilometër në orë.
Ndërsa aeroplani më i shpejtë reaktiv nga të gjithë është SR7 1 Blackbird, i cili mund të arrijë 3530 kilometër në orë.
Ngritje vertikale
Disa aeroplanë mund t’ia ndryshojnë drejtimin e rrymës së gazrave të nxehta nga motorët e tyre reaktivë, për t’i bërë ata më të manovrueshëm në fluturim.
Kjo dukuri quhet Vektor në Fluturim Përpara, apo VIFF(Vector In Forward Flight) dhe përdoret në aeroplanët F35B Lighnting dhe F22 Raptor. Reaktivët luftarakë mund ta përdorin tiparin VIFF për ta ndryshuar drejtimin mënjeherë, gjë që është vendimtare në betejat në ajër.
Dalje e shpejtë
Piloti i një reaktivi mund të largohet nga aeroplani i tij me probleme me anë të ndenjëses-katapultë. Së pari, çatia e kabinës shkëputet me forcë dhe pastaj një grup raketash e shtyjnë ndenjësen lart dhe jashtë të paktën 90 metra nga aeroplani.
Në të njëjtën kohë hapën pendët e stabilizatorëve në formë flatrash, për ta mbajtur pilotin dhe ndenjësen e tij të qëndrueshme, teksa ndenjësja hidhet jashtë me forcë, në mbështetësen e kokës detonon një ndezës i vogël, që hap forcë një parashutë të vogël.
Kjo e ngadalëson ndenjësen dhe nxjerr një parashutë më të madhe kryesore, ndërsa kur hapet ndenjësja shkëputet dhe piloti ulet i sigurt. /InLajmi/
Burimi: Discovery Channel
