Një pemë që rritet vetëm në një pyll në Kamerun, i është vënë emri Di Caprio. Kjo u bë për të nderuar aktorin e njohur Leonardo DiCaprio, i cili kontribuoi në mbrojtjen e pyllit, pemët e të cilit rrezikonin prerjen.
Një pemë që është e re për shkencën ka marrë emrin e Leonardo DiCaprio. Shkencëtaret ne kopshtin botanik mbretëror Kew, thane se donin te nderonin aktorin e njohur për kontributin e tij në mbrojtje të mjedisit dhe specifikisht në shpëtimin e një pylli, pemët e të cilit rrezikonin prerjen.
Pema, të cilës i është vënë emri zyrtar, Uvariopsis di Caprio, rritet vetëm në një pyll në Kamerun, i njohur për biodiversitetin e tij të jashtëzakonshëm. Pema e vogël tropikale me gjelbërim të përhershëm ka lule të verdha me shkëlqim që rriten nga trungu i saj.
“Ne mendojmë se Di Caprio ndikoi shumë në ndalimin e prerjeve të pemëve të pyllit Ebo,” tha Dr. Martin Cheek nga Kew.
Ekspertet ndërkombëtarë i shkruan një letër qeverisë kohë më parë, duke dokumentuar se speciet e çmuara të kafshëve dhe bimëve ishin në rrezik zhdukjeje. Çështja u ndoq nga DiCaprio, postimet e të cilit në mediat sociale për miliona ndjekësit e tij i dhanë vrull fushatës dhe ndryshuan rrjedhën e saj.
Qeveria më vonë anuloi planet për të lejuar prerjen e pyjeve, megjithëse pylli ende nuk është caktuar zyrtarisht si park kombëtar, transmeton Euronews.al.
Pema “Dicaprio” është bima e parë e re për shkencën që u emërua zyrtarisht nga shkencëtarët e Kew në vitin 2022, përmes botimit në revistën shkencore, PeerJ.
