Dukagjin Gorani thotë se 20 vjetët e fundit janë të vetmet të cilat kosovarët i mbajnë mend për të mirë. Ai flet për çlirimin e vendit duke e quajtur një gjë të tillë “lindje për së dyti”.
“Për herë të parë ti ke jetuar në një vend ku ke mujt me shetitë, ke mujt me dalë, ke mujt me thanë çka të duash, ke mujt me u angazhu me çka don”, thotë Gorani.
Tutje ai ka thënë se ata që mendojnë se më mirë ka qenë para 20 viteve, thonë një të pavërtetë.
“Ata që thonë se para 20 vjetëve ka qenë më mirë dhe kjo shoqëri ka qenë shumë më e zhvilluar para 20 vjetëve mendoj që e thonë një të pa vërtetë të madhe”, thotë Gorani.
Duke folur në emisionin Pressing në T7, Gorani thotë se 12 qershori i vitit 1999, është dita më e rëndësishme, të paktën për të personalisht.
“12 qershori ’99 për mua është dita më e rëndësishme edhe më e madhe për mua personalisht edhe unë mendoj për krejt këtë shoqëri. Unë mendoj se ne qaty kemi lindur për së dyti”, theksoi Gorani.
