Hapësira është një vend i egër që nuk të fal, në të nuk ka as ajër e as ujë dhe temperaturat mund të shkojnë nga mesatarisht -255 gradë celsius, deri në mijëra gradë celsius pranë furrës së zjarrtë të Diellit, shkruan InLajmi.
Qeniet njerëzore thjesht nuk janë të pajisura për të mbijetuar në hapësirë pa pasur sasi të mëdha pajisjesh mbështetëse dhe pa pasur mënyra për t’u kthyer në Tokë.
Në ndryshim nga ata, sondat hapësinor janë makina më të vogla, më kompakte, që i përballojnë ekstremet e hapësirës dhe mund të dërgohen thellë në Sistemin Diellor, në mision pa kthim kështu duke mos ardhur kurrë më në tokë.
Fluturime në afërsi:
Shumë sonda hapësinore janë projektuar të fluturojnë pranë një planeti, hënë apo komete, qe instrumentet e tyre shkencore të mund të bëjnë matje të ndryshme.
Disa sonda kryejnë më shumë se një fluturim në afërsi në një mision.
Sonda Rosetta e Agjencisë Evropiane të Hapësirës fluturoi pranë Marsit në vitin 2007 si dhe pranë asteroideve në vitin 2008 dhe atë 2010, gjatë rrugës për në misionin e saj kryesor për të hetuar një kometë të quajtur Çurjumov-Gerasimenko, të cilën do ta arrijë në vitin 2014.
Orbitues dhe zbritës:
Sondat shpesh klasifikohen sipas asaj që bëjnë: hyjnë në orbitë rreth një planeti apo zbresin në sipërfaqen e tij, të 2 llojet e sondave janë dërguar tek fqinj më i afërt planetar i Tokës, Marsi.
Sonda e parë ulëse amerikane në Mars ishte Viking I e cila e arriti planetin në vitin 1976.
Mars Global Surveyor i NASA-s e filloi orbitën rreth Marsit 21 vjet më vonë dhe ka bërë rreth 240.000 foto digjitale të sipërfaqes së planetit.
Sondat 2 pjesëshe:
Sondat hapësinore janë të kushtueshme, ndaj shkencëtarët përpiqen që në një mision të përfshijnë a më shumë detyra që mundin.
Sonda Cassini-Huygens bëri një udhëtim prej 3.5 miliardë kilometra drejt Saturnit në 7 vjet, e që pastaj Cassini hyri në orbitë rreth Saturnit, ndërsa sonda më e vogël.
Hygens udhëtoi nëpër atmosferën e hënës më të madhe të Saturnit, Titan, duke marrë 700 fotografi para se të ulej.
Misioni i sondës Huygens përfundoi në disa orë, por misioni i Cassini-t vazhdon ende edhe sot. /InLajmi/
Burimi:Discovery Channel
