Policia e Kosovës ka bërë të ditur se në pikën e kontrollimit në rrugën Adem Jashari në Malishevë ka ndalur i ka bërë shenjë një makine për t’u ndalur, por që të njëjtit nuk kanë përfilluar urdhërin nga policia dhe kanë ikur nga vendi i ngjajes, përcjell InLajmi.
Zëdhënësi i policisë në rajonin e Gjakovës, Nysret Gjurkaj ka thënë për Gazetën InLajmi se një patroll e policisë i është vënë pas veturës të dyshuarve, ku gjatë tër rrugës i’u kishin bërë shenjë për t’u ndalur.
“Me datë 03.01.2022 rreth orës 14:00,derisa patrulla e policise ishte në pikë kontrolli të automjetëve në rrugën Adem Jashari në Malisheve, aty kishin kaluar 2 persona me veturën e tyre Mercedes. Nga ana e zyrtarëve policore i ishte dhënë shenjë që kjo veturë të ndalet, por përkundër shenjes së dhënë i dyshuari nuk kishte përfillur urdhërat e ligjeshëm të zyrtarit policor por kishte filluar të rris shpejtësinë dhe ishte larguar nga aty”, ka bërë të ditur Gjurkaj
Ai gjithashtu ka thënë se patrolla e policisë ka vazhduar pas tyre deri tëk shtëpia në Malishevë.
“Me pas patrulla e policise i ishte vënë pas kësaj veture e që pasi i ishin ofruar në një distancë afër saj edhe e kishin sinjalizuar që të ndalej por nuk kishte ndodhur një gjë e tillë.Të dyshuarit kishin vazhduar rrugën deri tek shtëpia e tyre në Malishevë.Kur kishin arritur në hyrje të oborrit të dyshuarit kishin tëntuar që të hynin brenda në shtëpi edhe pse ishin paralajmëruar nga zyrtarët policore që të ndalën”.
Zëdhënësi i policisë në rajonin e Gjakovës gjithashtu ka deklaruar se 2 të dyshuarit kishin thënë fjalë kërcesuese në drejtim të policëve.
“Pas kësaj të dyshuarit ishin arrestuar nga ana e zyrtarëve policorë e që gjatë arrestimit edhe kishin shfaqur rezistencë. Gjatë arrestimit të dyshuarit në vazhdimësi i kishin fyër zyrtarët policor me fjalë fyese si dhe i kishin kërcenuar me fjalët “Keni me pa ju se kush jemi ne, për këtë punë keni me pas punë privatisht me neve”. Këto fjalë kërcenuese kishin ardhur nga 2 të dyshuarit në drejtim të zyrtarëve policor. Pas arrestimit të dyshuarit janë intervistura lidhur me veprimet e tyre të cilët edhe i kanë pranuar këto veprime. Sipas tyre arsyeja e mosndaljes në pikë kontrolli ka qenë sepse ata nuk posedonin patentë shofer dhe nga frika kishin verpuar në atë menyrë. Lidhur me rastin është njoftuar prokurori kujdestar dhe me vendim të tij 2 të dyshuarit ndalën në mbjatje për 48 orë”, ka deklaruar Nysret Gjurkaj, zëdhënës i policisë. /InLajmi/
