Shërbimi Korrektues i Kosovës, ka bërë të ditur se ka ndërruar jetë një 21 vjeçare e cila ishte e burgosur në burgun për femra në Lipjan, përcjell InLajmi.
SHKK bënë të ditur se i menjëhershëm ka qenë intervenimi i stafit korrektues si dhe stafit mjekësor, por përkundër përpjekjeve, nuk kanë arritur ta kthejnë në jetë.
Policia e Kosovës dhe Prokurori janë njoftuar, ndërsa hetimet për rastin kanë filluar.
‘’Stafi mjekësor i Stacionarit të Qendrës Korrektuese për Femra në Lipjan ka përgatitur dokumentacionin e nevojshëm lidhur me rastin. Autopsia do të verifikojë shkakun e vdekjes’’, thuhet tutje në njoftim.
Njoftimi i plotë i Shërbimit Korrektues të Kosovës:
Shërbimi Korrektues i Kosovës, njofton opinionin publik se sot rreth orës 12:42 në Qendrën Korrektuese për Femra në Lipjan, e dënuara me inicialet M.K, viti i lindjes 2000, ka ndrruar jetë.
Me të kuptuar për rastin, i menjëhershëm ka qenë intervenimi i stafit korrektues dhe atij mjekësor të Qendrës, por përkundër përpjekjeve për reanimim nuk kanë arritur të kthejnë në jetë.
E dënuara, në QKF Lipjan është pranura me datën 27.04.2021, që nga fillimi deri
18.06.2021 ka qenë në vëzhgim çdo 15 minuta nga psikologu i Qendrës.
Po ashtu, nga datga 02.11.2021 ka qenë në vëzhgim (observim) çdo 30 minuta, i cili vëzhgim ka vazhduar.
Lidhur me rastin janë njoftuar Policia e Kosovës dhe Prokurori, ndërsa SHKK ka filluar të bëjë hetimet procedurale dhe administrative, gjithashtu është themeluar Komisioni Hetimor Administrativ nga SHKK, i cili do të dal me Raport Administrativ Përfundimtar.
Stafi mjekësor i Stacionarit të Qendrës Korrektuese për Femra në Lipjan ka përgatitur dokumentacionin e nevojshëm lidhur me rastin. Autopsia do të verifikojë shkakun e vdekjes./InLajmi/
