Ministria e Shëndetësisë së Shqipërisë, ka bërë bilancin e 24 orëve për situatën epidemiologjike në vend.
Mësohet se në 24 orët e fundit janë regjistruar 617 raste të reja, ndërsa numri më i lartë i rasteve është në Tiranë.
Me gjithë përpjekjet e mjekëve, në 24 orët e fundit ka 3 humbje jete me koronavirus: 2 qytetarë nga Tirana të moshave 65-67 vjeç, një qytetare nga Elbasani 75 vjeç.
Aktualisht në spitalet me koronavirus po marrin trajtim mjekësor 92 pacientë, nga të cilët 13 janë në gjendje më të rënduar.
Në të gjithë vendin janë 5836 pacientë aktivë me Covid, ndërsa gjatë 24 orëve të fundit janë shëruar 284 qytetarë, duke e çuar numrin e të shëruarve në 200,465 që nga fillimi i epidemisë, përcjell Top Channel.
Gjatë 24 orëve të fundit janë kryer 5482 testime, nga të cilat kanë rezultuar pozitivë me COVID19, 617 qytetarë, në këto bashki: 312 në Tiranë, 33 në Durrës, 29 në Elbasan, 24 në Fier, 23 në Sarandë, 22 në Vlorë, 15 në Berat, 13 në Lezhë, nga 12 qytetarë në Shkodër, Lushnje, 10 në Gjirokastër, nga 8 qytetarë në Vau i Dejës, Kamëz, nga 7 qytetarë në Krujë, Divjakë, nga 6 qytetarë në Kavajë, Himarë, nga 5 qytetarë në Gramsh, Pogradec, Mallakastër, nga 4 qytetarë në Korçë, Skrapar, nga 3 qytetarë në Peqin, Devoll, Përmet, Vorë, Kurbin, Malësi e Madhe, nga 2 qytetarë në Has, Rrogozhinë, Dibër, Mat, Patos, Selenicë, Konispol, Tepelenë, Librazhd, nga 1 qytetar në Belsh, Dimal, Kolonjë, Dropull, Libohovë, Delvinë, Shijak, Mirditë, Tropojë, Kukës, Fushë Arrëz.
