Ministri i Bujqësisë, Faton Peci, sot në konferencën e fundit për këtë vit ka theksuar se për herë të parë gjatë këtij viti, është aprovuar strategjia për bujqësinë dhe zhvillimin rural 2022-2028, raporton InLajmi.
Peci ka bërë të ditur së në qeveri janë miratuar 23 projektligje, e qe sipas tij ky do të jetë viti që do të mbahet në mend si ai më sfiduesi për sektorin e bujqësisë, kurse nuk ka larguar nga mendja mënyrën së si e ka qenë ministria pas marrjes së detyrës, me borxhe të trashëguara ndër vite.
“Kemi arritur që për herë të parë në historinë ekzistencës së Ministrisë së Bujqësisë që të aprovojmë në qeveri, strategjinë për bujqësinë dhe zhvillimin rural 2022-2028. Njëkohësisht përveç strategjisë për bujqësinë të aprovojmë edhe strategjinë për pylltari 2022-2030. Do të hartojmë një numër të konsiderueshëm të koncept-dokumenteve që në përgjithësi kemi realizuar një sukses në avancimin e politikave në këtë sektor. Përveç avancimit të politikave dhe aprovimit të strategjisë për 9 muaj dhe pas një stagnimi 9 vjeçar të mos aprovimit të asnjë ligji në qeverinë dhe kuvendin, ne kemi arritur që për nëntë muaj të aprovojmë në qeveri 23 projektligje”,ka thënë Peci.
Ai ka thënë se është arritur te hiqen borxhet të cilat ishin grumbulluar, e përveç kësaj kanë arritur të alokojnë 24 milionë euro për fermerët, dhe është arritur t’iu paguhet demi bujqve për periudhën 2020-2021. Ndërsa vlera totale për përkrahje ka arritur 76 milionë euro.
“Ne kemi arritur që të shlyejmë pothuajse të gjitha obligimet e grumbulluara ndër vite dhe përveç kësaj të mundësojmë programin e rregullt për subvencione 2021, në vlerë monetare prej 24 milionë euro. Vetëm në kategorinë e subvencioneve kemi arritur që gjatë muajit tetor të alokojmë 24 milionë euro për fermerët tanë. Gjithashtu kemi bërë kompensimin e dëmeve në sektorin e bujqësisë për periudhën kohore 2020-2021. Vlera totale e përkrahjes në kategorinë e grandeve, subvencioneve, dëmeve dhe obligimeve që kanë qenë të papaguara arrin vlerën e 76 milionë euro, që është një përkrahje rekorde nga Ministria e Bujqësisë”, ka shtuar ai.
Tutje ai ka shtuar se Agjencia e Pyjeve të Kosovës ka arritur të hyra rekord prej 2.2 milionë euro të hyra në kuadër të veprimtarisë dhe se viti i ardhshëm do jetë më i lehtë, pasi qe sipas tij sektori i bujqësisë do të këtë kapacitet të plotë buxhetore.
“Agjencia e Pyjeve të Kosovës ka të hyra rekord më të mëdha të realizuara ndonjëherë. Ka 2,2 milionë euro të hyra në kuadër të veprimtarisë që e ushtron. Kemi arritur që diku 800 mijë fidane të reja të bëjmë pyllëzime dhe deri në fillim të pranverës është një shifër prej mbi një milion euro të cilat do të realizohen. Viti 2022 do të jetë vit shumë më i lehtë për sektorin e bujqësisë për shkak se ne futemi me kapacitete të plota buxhetore. Viti 2022 do të jetë vit me një rritje buxhetore prej 11 milionë euro”,ka bërë të ditur ai. /InLajmi/
