Ministrja e Industrisë, Ndërmarrësisë dhe Tregtisë, Rozeta Hajdari, sot gjatë konferencës se fundvitit ka thënë se vlera e eksportit për vitin 2021 është rritur për 62.7% dhe se Shtetet e Bashkuara të Amerikës dhe Shqipëria janë vendet e para ku eksporton Kosova, raporton InLajmi.
Hajdari ka thënë se investimet po ashtu janë rritur për 52.9% krahasuar me vitin 2020, informatë kjo e bërë me dije nga Banka Qendrore e Kosovës, ndërsa vlera e eksportit për muajt janar-shkurt të këtij viti ka qenë 290.1 milionë euro, kurse ajo e eksportit janar-gusht 471.9 milionë euro.
“Të dhënat nga Banka Qendrore e Kosovës është se viti 2021 është për 52.9% më shumë investime se viti 2020 apo 79.7% më i lartë se viti 2019. Në bazë të raporti të BQK-së vlera e eksportit janar-gusht 2020 ka qenë 290.1 milionë euro ndërsa vlera e eksportit janar-gusht 471.9 milionë euro, d.m.th. kemi rritje për 62.7% të eksportit në vitin 2021. ShBA-ja dhe Shqipëria janë vendet e para ku Kosova eksporton dhe Shqipëria është vendi i 5 që importon në Kosovë”, është shprehur ajo.
Ndërsa plani që ka hartuar ministria ka përfshirë 6 prioritete, dhe është arritur 75% e masave për agjendën evropiane ku tutje ka shtuar së janë miratuar disa ligje e që lidhen me zotimet e Bashkimit Evropian.
“Plani i Ministrisë ka përfshirë 6 prioritetet. Janë përmbushur rekomandimet e MSA-së. Kemi arritur 75% e masave për agjendën evropiane. Kemi miratuar disa ligji që lidhen me zotimet e BE-së, për cilësinë e naftës, për tregti me jashtë, për mbrojtjen e konkurrencës etj. Kemi në procedurë edhe një numër të madh projektligjesh në shqyrtim”ka thënë Hajdari.
Ajo ka thënë se do aplikohet programi i tregut të përbashkët me financim nga BE-ja e që kjo do mbështet me 4.2 miliardë euro gjegjësisht deri në vitin 2027.
“Përmirësimi i të bërit biznes janë miratuar lidhe e udhëzime në këtë drejtim. Kemi 54% më shumë inspektimi. Programi i tregut të përbashkët me financim nga BE-ja, ku mund të aplikohet dhe do të mbështet me 4.2 miliardë euro deri në vitin 2027”,theksoi ajo.
Ministria Hajdari, ka theksuar se turizmi do të mbetet primar edhe pse sipas saj nuk ka qenë deri me tani .
“Te zhvillimi i inovacionit, ndërmarrësisë, do të kemi politikë kombëtare në këtë fushë. 1.1 milion euro janë ndarë për inovacion. Turizmi mbetet prioritet edhe pse nuk ka qenë si i tillë deri më tani”, ka shtuar ajo. /InLajmi/
