Policia e Kosovës ka bërë të ditur se 26 persona janë arrestuar në Gjakovë, për shkak se të njëjtit janë kapur nga policia duke luajtur lojëra të fatit, përcjell InLajmi.
Policia ka bërë të ditur se policia ka bastisur lokalin, ku ishin duke qëndruar të dyshuarit dhe kanë sekuestruar një pistoletë me 9 fishekë dhe një sasi të substancave të dyshuara narkotike.
Sipas njoftimit të policisë të gjithë të dyshuarit janë liruar dhe vetëm janë gjobitur për mosrespektim të orës policore, si masë anti-Covid.
Njoftimi i plotë i Policisë së Kosovës:
Rr. Vesli Klark, Gjakovë 28.12.2021-00:30.Raportohet se njësitë policore në një lokal kanë hasur duke luajtur lojëra të fatit 26 persona të dyshuar të gjithë meshkuj kosovarë. Gjatë kontrollit në lokal nga njësitë policore janë gjetur dhe sekuestruar një pistoletë me 9 fishekë, dhe një sasi e substancave të dyshuara narkotike. Të dyshuarit janë arrestuar dhe të gjithëve u janë shqiptuar gjoba për mosrespektim të orës policore. Në konsultim me prokurorin të dyshuarit janë liruar në procedurë të rregullt./InLajmi/
