Vëllai i Armend Mujës, Gazmendi kishte bërë një deklaratë se zgjidhja e vetme e problemit me krizën që po kalon Kosova është ish-presidenti Hashim Thaçi.
Deputeti i VV-së ka thënë se me vëllain e tij i kanë ndarë rrugët qe 20 vjet dhe nuk ndajnë pikëpamje të njëjta.
“Unë e kam vëlla Gazmend Mujën. Mirëpo në pikëpamje me të dallojmë qe 20 vjet. Asnjëherë çështje politike nuk jemi pajtuar dhe nuk kemi diskutuar. Unë besoj që Gazmendi është i painformuar, ekspertiza e tij është zero në këtë fushë, opinioni i tij është i manipuluar. Dhe mendoj që qeverisja e z. Thaci, ajo e PDK-së dhe LDK-së e kanë pru këtë gjendje”, tha deputeti Muja në ATV.
“Ai le ta provoj pse po mendon në atë mënyrë. Nëse ai ka ndonjë autoritet moral dhe intelektual duhet tu referoheni me emër dhe jo vëllai i Armend Mujës”, tha ndër të tjerash Muja.
