Tashmë kur jemi në prag të festave të fundvitit bëhet me dije se tani për tani nuk do të ndryshoj asnjë nga masat e caktuara anti Covid-19 nga Qeveria e Kosovës dhe as nuk do të ndryshojë ora policore, përcjell InLajmi.
Këtë e ka konfirmuar zëdhënësi i Ministrisë së Shëndetësisë, Faik Hoti në një prononcim të shkurtër për Gazetën InLajmi.
“Një herë përnjëherë mbesin në fuqi masat e marra me 30 nëntor të këtij viti. Kjo deri në ndonjë rekomandim për ndryshimin e tyre nga Komisioi Këshilldhënës për Covid- 19”,bëri shkurt me dije Hoti.
Ndryshe, zyrtarisht dje Instituti Kombëtar i Shëndetit Publik ka dalë me lajmin se në vendin tonë janë 9 raste me varinatin Omicron, derisa bota me këtë variant është duke u ballafaquar qysh në muajin nëntor./InLajmi/
