Një 47 vjeçar nga fshati Fushë Alije i Dibrës ka rezultuar i zhdukur që prej ditës së dielë.
Kanë qenë familjarët e shtetasit T.XH, të cilët kanë njoftuar policinë për zhdukjen e tij mbrëmjen e kaluar.
Dyshohet se i dyshuari kishte shkuar pranë lumit Drin i Zi për të peshkuar, por nuk është kthyer në banesë.
Kjo ka bërë që familjarët të njoftojnë policinë e cila ka shkuar në vendin e ngjarjes. Por për shkak të errësirës kërkimet janë ndërprerë, për të rifilluar mëngjesin e sotëm.
Në ndihmë kanë shkuar edhe rreth 200 banorë të zonës të cilët janë vënë në kërkim të 47 vjeçarit T.XH. në një gjatësi disa kilometra të lumit Drin i Zi.
Për shkak të prurjeve të mëdha të lumit, banorët dhe forcat e rendit e kanë të vështirë kërkimin, ndërsa apelohet që të shkojnë grupet e specializuara të polumbarëve, shkruan Ora News.
Dyshohet paraprakisht që 47 vjeçari të ketë rënë në ujërat e lumit Drin i Zi teksa ka qenë duke peshkuar në breg të tij.
