Shefi i grupit parlamentar të AAK-së, Besnik Tahiri, ka reaguar pas deklaratave të Kryeministrit të Kosovës, Albin Kurti, i cili gjatë mbledhjes së Këshillit të Përgjithshëm të Lëvizjes Vetëvendosje, ka thënë se krimi i organizuar ka zbarkuar nëpër komuna, përcjell InLajmi.
Tahiri ka thënë se në nivel lokal maten rrezultatet e jo ligjeratat, në komunë janë 24 përgjegjësi ekzekutive.
‘’Albin, lëri kritikat për kryetarët e komunave, gjej zgjidhje për energji për Vit të Ri 2022, merru me krizën më të madhe që e dërrmoi popullin!’’, ka shkruar ai.
Postimi i plotë i tij:
Në nivel lokal maten rrezultatet e jo ligjeratat, në komunë janë 24 përgjegjësi ekzekutive, që kryetari, si zyrtari kryesor administrativ, i ushtron në emër të shtetit nga poshtë.
Në komuna nuk shiten përrallat, tekstet me rimë e as fjalimet ideologjike, në terren maten rezultatet dhe ndikimi konkret i punëve të kryera.
Albin, lëri kritikat për kryetarët e komunave, gjej zgjidhje për energji për Vit të Ri 2022, merru me krizën më të madhe që e dërrmoi popullin!/InLajmi/
