Që nga shekulli XVII janë shpikur përherë e më shumë teknologji të reja që kanë ndihmuar njerëzit, objektet edhe idetë të lëvizin nëpër botë më lehtë se më parë, shkruan InLajmi.
Sociologu britanik, Xhon Jurri, këshillon se pasojat e shtimit të lëvizjes globale kërkojnë që shkencat shoqërore të krijojnë një “paradigmë të re”, për të studiuar mënyrën e qarkullimit të mallrave, të njerëzve dhe të ideve.
Sipas Jurrit, kjo lëvizje krijojnë identitete, kultura dhe rrjete të reja, duke zhvilluar larminë kulturore, mundësitë ekonomike dhe shpeshherë edhe format e reja të pabarazisë shoqërore.
Ndërsa sipas sociologut britanik, David Makroun, forcat ekonomike, politike dhe kulturore që ushtron globalizimi, përkojnë me një zhvillim të neonacionalizmit, çka ndodh kur një grup shoqëror brenda një vendi përpiqet të ripërkufizojë identitetin e vet.
Ai thotë se të gjitha identitetet neonacionaliste kanë të bëjnë me entitetet më të vogla brenda shteteve të mëdha, si për shembull Skocia në Mbretërinë e Bashkuar, Katalonia në Spanjë, vendi bask që ndodhet midis Francës dhe Spanjës veriore, dhe Kebeku frëngjishtfolës në Kanada.
Si identitet kombëtar, ashtu edhe identitetet neonacionale janë farkëtuar nga “lënda e parë historike” e një gjuhe të përbashkët, e miteve dhe e rrëfenjave kulturore të përbashkëta, si dhe idealeve shoqërore të përbashkëta. /InLajmi/
