Era nuk është thjesht ajër që lëviz, ajo është e padukshme dhe pothuaj pa peshë, megjithatë është e pamundur ta vësh nën kontroll dhe një nga forcat më shkatërruese të planetit, kur erërat kthehen në stuhi me energji të madhe, ato mund të transformohen në uragane me një diametër rreth 800 kilometra dhe bëjnë kredinë, shkruan InLajmi.
Tornadot vërtitëse
Tornadot mund të jenë vdekjeprurëse, por nuk zgjasin shumë, ato fillojnë kur ajri ngrohtë dhe i lagësht takohet me ajër të ftohtë e të thatë, kur krijohen kushtet e duhura, formohet një shtyllë vertikale ajri që rrotullohet, e cila mund të transformohet në një vorbull ere që vërtitet me forcë të madhe. Mendohet se numri më i madh i tornadove në Shtetet e Bashkuara të Amerikës ka qenë më 3 Prill të vitit 1974, në atë ditë 150 tornado shkaktuan më shumë se 300 të vdekur dhe 6.000 të plagosur nga stuhitë.
Uraganet
Stuhitë më të mëdha të botës quhen uragane, tajfune apo ciklone tropikalë, ato fillojnë në det dhe mund të shkaktojnë dëme të jashtëzakonshme nesh futen në tokë, në uraganet më të tmerrshme, erërat mund të fryjnë me më shumë se 250 kilometra në orë, me këtë shpejtësi, erërat kanë fuqi të shkulin çatitë nga ndërtesat dhe të krijojnë dallgë të stuhishme që marrin ujin e detit dhe e përplasin në brendësi të tokës.
Në vitin 1900, një uragan përshkoi tejpërtej qytetin e Galvestonit në Teksas, duke e rrafshuar atë me tokën dhe duke shkaktuar një vërshim kataklizmik dhe një nga fatkeqësitë më të rënda natyrore të SHBA-së, në një natë gjetën vdekjen afërsisht 10.000 vetë. /InLajmi/
Burimi: Discovery Channel
