Presidentja e Kosovës, Vjosa Osmani ka mbajtur një konferencë për media me presidentin kroat, Zoran Milanović, ku edhe kanë diskutuar pë marrëdhëniet mes 2 shteteve, raporton InLajmi.
Osmani ka thënë se Kroacia është një ndër shtetet që i ka dhënë përkrahje Kosovës, për këtë përkrahje populli i Kosovës është falëndërues ndaj Kroacisë.
Sipas Osmanit 2 vendet kanë marrëdhënie të shkëlqyeshme. Kjo miqësi dhe solidaritet daton qysh nga vitet e 90-ta kur të 2 kombet u ekspozuan ndaj luftërave të tmerrshme.
“Jemi të lumtur që qytetarët kroatë me origjinë shqiptare janë integruar mirë dhe ndjehen krenarë që janë pjesë e Republikës së Koracisë, siç jemi ne krenarë që qytetarët e Republikës së Kosovës kanë kontribuuar në shtetin kroat si në ushtri, ekonomi, politikë e sport e në shumë fusha të tjera” tha ajo.
Tutje ajo theksoi se edhe në Kosovë ka prezencë të komunitetit kroat, të cilët janë pjesë e rëndësishme e shoqërisë sonë.
Ajo ka premtuar se do të bëjnë gjithçka, që të adresojnë të gjitha nevojat e komuniteteve, përfshirë komunitetin kroat, në mënyrë që ata të prosperojnë dhe të ecin përpara në shtetin e tyre në Republikën e Kosovës.
Tutje ajo i shpreh mirënjohje shtetit kroat për dhurimin e vaksinave, të cilat ia kishte dhënë Kosovës në një kohë të vështirë kur nuk kishte vaksina.
Ajo ka theksuar se me Kroacinë janë 30 marrëveshje, pra mes 2 shteteve dhe pritet që të arrijnë edhe më shumë në të gjitha fushat. /InLajmi/
