Ministrja e Arsimit, Shkencës, Teknologjisë, Inovacioni, Arbërie Nagavci, i ka reaguar ashpër kryetarit të SBAShK, Rrahman Jasharajt në lidhje me paralajmërimin e grevave në arsim.
Nagavci në Prime Time në Kanal10 ka thënë se SBAShK po i përdor tema të ndryshme për arsye të zgjedhjeve të brendshme, dhe se ka përfunduar koha kur dikush vendos dry në shkollat shqipe.
“Kanë hap tema të cilat fare nuk kanë qenë temë, të cilat janë bërë mediale, ndoshta për arsye të ndryshme pse janë vetë në proces të zgjedhjeve, dhe dëshirojnë të dëshmohen para mësimdhënësve. Nuk mund të dijë qëllimin e tyre, por nuk mund të kuptoi as arsyet, pse janë hapë shpesh tema të paqena, por sidoqoftë deklarata të tilla si do t’ju vendos drynin shkollës e të tjera janë krejtësisht të paqëndrueshme. Ka përfundu koha kur dikush mund të vendos dry në shkollat shqipe”, tha Nagavci.
