Shumica e vendeve të botës kanë ndaluar festimet e Vitit të Ri në sheshe dhe grumbullimet me plot njerëz, për shkak të variantit Omicron, mirëpo në këtë listë besohej se do të ishte edhe Nju Jorku por me sa duket kryebashkiaku është shprehur optimist, transmeton InLajmi.
Kryebashkiaku i qytetit të Nju Jorkut, Bill de Blasio tha se ai ende po diskuton planet e festimit të Vitit të Ri me drejtuesit e tjerë të qytetit dhe ai “shpreson” që ngjarja të ndodhë ende pavarësisht rritjes së rasteve të koronavirusit.
“Ne jemi duke punuar me sponsorët e ngjarjes, ne po punojmë me drejtuesit tanë të kujdesit shëndetësor. Tani për tani, ne kemi 2 virtyte të mëdha: një audiencë tërësisht të vaksinuar dhe jashtë. Ne po kërkojmë të shtojmë masa shtesë për të bërë është edhe më të sigurtë. Pra, ne jemi ende në diskutim. Qëllimi, natyrisht, është ta vazhdojmë atë sepse është një ngjarje kaq e rëndësishme për njujorkezët dhe për të gjithë botën. Por nëse jemi në gjendje të gjejmë formulën e duhur , për t’i mbajtur njerëzit të sigurt, kjo është ajo për të cilën po punojmë tani,” tha ai, shkruan CNN.
“Ne nuk duhet të supozojmë se përgjigja ndaj Omicron është mbyllur. Ne duhet të supozojmë se përgjigja për Omicron është gjetja e masave që funksionojnë për të mbajtur gjërat nëkontroll,” shtoi ai.
Pëndryshe dihet se Parisi, Londra, Rio de Zhaneiro, Roma dhe qytete të tjera të mëdha kanë anuluar të gjithë festimet e tyre të Vitit të Ri në sheshe dhe grumbullimet me njerëz. /InLajmi/
