Agnesa Belegu, e cila jeton dhe punon në Poloni, me profesion është dizajnere e video-lojërave, në “Info Magazinë” në Klan Kosova, ka folur për largimin e saj nga Kosova.
Ajo tha se shkolla ia ka mundësuar qasjen në industrinë globale dhe rritjen e standardit të saj profesional.
“Fillet e mia të para kanë qenë në fakultet, e kam eksploruar drejtimin e zhvillimit të lojërave në Norvegji e pas kësaj kam vendosur ta ndjek këtë veprimtari në studimet e masterit. Shkolla ma ka mundësuar t’i qasem industrisë globale, me e rritë standardin tim profesional në industri”.
“Pas masterit, rrugët më kanë kthyer në Kosovë, ku për 3 vjetët e ardhshëm jam munduar me i kthy prapa të gjitha njohuritë dhe ato eksperienca”, tha ajo.
Belegu tutje tha se ka ambicie që edhe në Kosovë të krijojë standard të ri të industrisë.
“Kur kam vendosur me iu kthy tregut global, nuk ka qenë moment e as vendim i lehtë, por ambicia ime për veprimtarinë time në Kosovë është me kriju një standard të ri të industrisë, jo shumë ndryshe prej çka ka ndodhur në Poloni, por për me kriju këtë standard të ri në çfarëdo lloj fushe, ajo duhet me u kuptu thelbësisht”, tha ajo.
Tutje, ajo u shpreh se kjo ambicie e ka dërguar jashtë Kosovës, por që vazhdon dëshira e saj që ta sjellë industrinë globale në vendin tonë.
“E kjo ambicie mu më ka dërgu jashtë Kosovës, e që ka nevojë me u ndërlidhë me industrinë globale, por sidoqoftë mua zemra prapë më thërret me e sjellë industrinë globale në Kosovë, por të shohim se cila vjen e para”, shtoi tutje Belegu.
