Mjeku nga komuna e Drenasit Halit Bujupi, së fundmi i ka dërguar një letër të hapur kryetarit të kësaj komune, Ramiz Lladrovcit, përcjell InLajmi.
Derisa mjeku Bujupi, e ka uruar për marrjen e detyrës si kryetar i Drenasit për herë të 3-të, ai e ka kritikuar për disa ‘detyra’ që sipas tij nuk i takojnë mjekëve.
‘’Deshta të tregoj se mjeku nuk është i obliguar të ndez stufën dhe të kujdeset për mirëmbajtjen e objektit shëndetësor ‘’, ka shkruar ai.
Tutje Haliti ka kërkuar që të merren masa për këto çështje, duke ia përmendur kauzat gjatë tërë fushatave të zgjedhjeve komunale 2021, për drejtësi dhe barazi të ligjit.
Letra e plotë e tij, pa ndërhyrje:
Letër publike Ramiz Lladrovci .
I nderuar kryetar së pari të uroj zgjedhjen për herë të tretë si kryetar i Komunës së Drenasit .
Deshta të tregoj se mjeku nuk është i obliguar të ndez stufën dhe të kujdeset për mirëmbajtjen e objetit shëndetësor .
Deshta tē tregoj që vartesit e tu e kanë shkelur ligjin e punës , ligjin e shëndetësis dhe kontratat e punës .
Do të kërkoja të marresh masa se unë besoj në drejtësi dhe kauzen të cilen keni ngritur gjatë tërë fushates për drejtësi dhe barazi para ligjit .
Mjeku edhe më ligj është i obliguar të i ketë të gjitha kushtet e punës konform ligjeve të Republikes së Kosovës për të cilen kanë sakrifikuar shumë breza .
Me respekt Dr Halit Bujupi/InLajmi/
