Anthony Joshua thotë se vazhdon të ndjehet i zemëruar me veten, pas humbjes kundër Oleksandr Usyk, por këmbëngul se ajo disfatë po e nxit çdo ditë për t’iu hakmarrë ukrainasit.
Joshua u mposht nga Usyk dhe i humbi titujt e botës në kategorinë e rëndë WBA, WBO dhe IBF në shtator.
Ajo ishte vetëm humbja e 2 e Joshuas në karrierë.
Rimeçi mes tij dhe Usyk pritet të zhvillohet në fillim të vitit 2022 dhe Joshua thotë se mezi pret të hakmerret për atë humbje dhe të bëhet kampion i botës për herë të 3-të, shkruan BBC Sport
“Unë e di se mund të jem më i mirë se atë natë”, tha Joshua, 32-vjeçar, përcjell IndeksOnline.
“Është më e lehtë të thuash sesa ta bësh, por në zemër dhe në shpirt, në tru dhe në trup, ndiej vërtet se kam shumë për të dhënë. Jam i zemëruar. Zemërimi po rritet, por po më nxit çdo ditë”, bëri me dije ai.
