Juventus është nën hetim nga Prokuroria Publike e Torinos për falsifikimin e pretenduar të llogarive për 3 vitet e fundit financiare.
Agjentët e organit tatimor të atij qyteti italian shkuan në ambientet e Juventusit të enjten e kaluar për të sekuestruar disa dokumente që do të shërbejnë si provë, shkruan Corriere Della Sera, përcjell IndeksOnline.
Andrea Agnelli, presidenti i klubit, Pavel Nedved, nënkryetar dhe Fabio Paratici, ish-drejtor i përgjithshëm i cili tani është në Tottenham, mund të akuzohen se kanë dhënë “informacion të rremë” dhe se kanë “lëshuar fatura për operacione që nuk ekzistojnë”.
