Kandidati për kryetar të Gjilanit nga radhët e LDK-së, Lutfi Haziri, i është bashkangjitur thirrjes së Lëvizjes Vetëvendosje për zbardhjen e rastit të vdekjes së Astrit Deharit, përcjell InLajmi.
Haziri përveç zbardhjes së këtij rasti, ka kërkuar që të zbardhet edhe rasti i vdekjes së Agon Musliut, i riu që vdiq në kohën e karantinës.
‘’Kryeministri i Republikës, Qeveria dhe Kosova po e kërkojnë zbardhjen e vdekjes së Astrit Deharit. Ne i bashkangjitemi thirrjes dhe përveç zbardhjes së rastit për Astritin, kërkojmë që të zbardhet edhe rasti i vdekjes së Agon Musliut. Drejtësi edhe për Agonin, i cili në objektin qeveritar, i ndaluar për karantinë, e humbi jetën, duke na tronditur të gjithëve!’’, ka shkruar Haziri./InLajmi/
