Shumë gra duan të duken bukur për partnerin e tyre kur zgjohen në mëngjes, andaj zgjedhin që gjumin ta bëjnë të grimuara. Por ekspertët paralajmërojnë se mos heqja e grimit të ditës është një zgjedhje e gabuar.
Gjatë ditës, sebumi dhe qelizat e vdekura grumbullohen në sipërfaqen e lëkurës dhe në poret tuaja. Grimi formon një shtresë mbi këtë dhe rrit shanset e bllokimit të poreve dhe puçrrave, transmeton Klankosova.tv
Lëkura është e ekspozuar ndaj ndotjes gjatë gjithë ditës. Në zonat e industrializuara, kjo është shoqëruar me rritje të shkallës së puçrrave. Ndotja gjithashtu kontribuon në plakjen e lëkurës, si njollat kafe. Nëse nuk e hiqni grimin para gjumit, ka të ngjarë që të mos i hiqni as këto grimca ndotjeje nga lëkura juaj.
