Kandidati i PDK-së për kryetar të Prizren Shaqir Totaj ka vizituar kompaninë Swiss Pelet, ku ka thënë se është kënaqësi për të parë nga afër punën e palodhshme e sukseset të tyre, përcjell InLajmi.
Totaj ka shkruar se kjo kompani është duke prodhuar produktet cilësore, ku ka thënë se ndër shtyllat kryesore të programit të PDK-së në Prizren është mbështetja e bizneseve lokale dhe ndihmën për punëtorët.
Postimi i plotë i tij:
Është kënaqësi të shohësh nga afër punën e palodhshme e sukseset e merituara të Swiss Pelet. Me vullnet të madh, kjo kompani prizrenase tashmë po prodhon produkte cilësore. Ndër shtyllat kryesore të programit tonë për zhvillimin e qytetit janë projektet për mbështetjen e bizneseve lokale dhe ndihmën për punëtorët e punëmarrësit për tejkalimin e ndikimeve të pandemisë. Prandaj si qeverisje e ardhshme e Prizrenit do të krijojmë Fondin për mbështetjen e start-up bizneseve me ide inovative dhe do të funksionalizojmë Zonën Ekonomike të Prizrenit. Bashkë për Prizrenin. /InLajmi/
