Kreu i Partisë Demokratike të Kosovës, Memli Krasniqi, ka folur rreth kërkesës publike të kreut të LDK-së Lumir Abdixhiku, për shkurtimin e fushtaës zgjedhore, raporton InLajmi.
Ai ka thënë se ka biseduar edhe me Abdixhikun edhe me Haradinaj, duke shtuar se ndajnë bashkërisht shqetësimet dhe do të ndërmarrin çfardo që është e nevojshme.
“Sic kam paralajmëruar unë kam biseduar edhe me z.Abdixhiku edhe me z.Haradinaj pas dërgimit të letrës së z.Kurti. Ne i ndajmë bashkërisht shqetësimet dhe padyshim së çkado që duhet dhe është e nevojshme të ndërmirret për të siguruar një përmirësim të situatës dhe për të ruajtur maksimalisht shëndetin e qytetarëve tanë, është e nevojshme që të diskutojmë dhe të marrim vendime”.
“Unë e konsideroj shumë të rëndësishme që zgjedhjet e 17 tetorit të zhvillohen padyshim në nivelin e transparencës dhe demokracisë që tashmë e kemi dëshmuar, por krahas kësaj krijimit të kushteve që qytetarët kur t’i drejtohen kutive të votimit të kenë një siguri që shëndeti i tyre nuk do të rrezikohet. Ne si PDK mendojmë se duhet të diskutojmë për t’u dakorduar me fushatë të shkurtuar. Mendoj që të gjithë pa dallim duhet ta kemi prioritet shëndetin e qytetarëve”, ka thënë i pari i PDK-së.
Kujotjmë se kreu i LDK-së, Lumir Abdixhiku, të enjten bëri një ftesë publike për krerët e partive politike, që të lënë dallimet dhe të bashkohen në një pakt kmundër pandemisë së koronavirusit./InLajmi/
