Agjencia federale amerikane e cila është përgjegjëse për sigurinë në rrugë po hap një hetim zyrtar mbi sistemin autopilot, ndryshe “vetë-drejtues”, të veturës Tesla, transmeton InLajmi.
Administrata Kombëtare e Sigurisë në Trafikun e Autostradave tha se ky veprim vjen pas 11 aksidenteve të Tesla-s që nga viti 2018.
Në disa raste, automjetet Tesla “u përplasën drejtpërdrejt me automjetet e personave”, thanë nga administrata.
Hetimi do të mbulojë afërsisht 765.000 makina Tesla të prodhuara që nga viti 2014, ku përfshihen Model Y, Model X, Model S dhe Model 3.
Agjencia ishte kryesisht e shqetësuar me një paaftësi të dukshme të automjeteve Tesla për të përballuar automjetet e ndaluara në rrugë, veçanërisht automjetet e urgjencës që kane qenë pjesëmarrëse në incidente.
Administrata tha se po hapte hetim në teknologjitë dhe metodat e përdorura për të monitoruar, ndihmuar dhe zbatuar angazhimin e shoferit, ndërsa përdoret sistemi autopilot, njofton BBC.
U bë e ditur se në të 11 aksidentet e Tesla-s, ky sistem ishte aktiv pak para se të ndodhin aksidentet./InLajmi/
