Real Madrid ka publikuar fanellën e 2-të që do të përdorë sezonin e ri në ndeshjet në udhëtim.
Nga Spanja raportohet se futbollistët e Carlo Ancelottit do t’i veshin këto fanella për herë të parë në miqësoren ndaj Milanit të dielën.
Në fanellat e 2-ta, bluja është zgjedhur si ngjyra kryesore, derisa ngjyra portokalli shërben për të kompozuar 3 vija ikonike të Adidas, në lartësinë e shpatullave. Logoja, sponsori teknik dhe sponsori kryesor do të jenë në të bardha.
Debutimi me këtë fanellë të re do të ndodhë në fundjavë ndaj skuadrës së Stefano Piolit, që do të zhvillohet në Klagenfurt të Austrisë, raporton Gazeta Express.
Sido që të jetë, në rrjetet sociale ka ardhur tashmë edhe reagimi i tifozëve, që nuk e pëlqejnë shumë fanellën e re të Los Blancos.
